ସମ୍‌ରେ ବିଶ୍ବ ଜରୁରୀକାଳୀନ ଔଷଧ ଦିବସ ୨୦୨୬ ପାଳିତ

ଭୁବନେଶ୍ଵର, ଜୁନ୍ ୩. ୨୦୨୬ [ଆ.ଦୁ.ନି] : ମଣିଷର ଜୀବନ ରକ୍ଷା ଏବଂ ଅକ୍ଷମତା ହ୍ରାସ କରିବାରେ ଜରୁରୀକାଳୀନ ଚିକିତ୍ସା ସେବାର ଗୁରୁତ୍ବପୂର୍ଣ ଭୂମିକା ବିଷୟରେ ସଚେତନତା ସୃଷ୍ଟି କରିବା ନିମନ୍ତେ ଶିକ୍ଷା ‘ଓ’ ଅନୁସନ୍ଧାନ (ସୋଆ ) ବିଶ୍ୱବିଦ୍ୟାଳୟ ପରିଚାଳିତ ଇନ୍‌ଷ୍ଟିଚ୍ୟୁଟ୍ ଅଫ୍ ମେଡିକାଲ ସାଇନସେସ୍ ଆଣ୍ଡ ସମ୍ ହସ୍ପିଟାଲର ଜରୁରୀକାଳୀନ ସେବା ବିଭାଗ ପକ୍ଷରୁ ମେ ୩୦ ତାରିଖ ଦିନ ବିଶ୍ଵ ଜରୁରୀକାଳୀନ ଔଷଧ ଦିବସ ପାଳିତ ହୋଇଯାଇଛି ।

ବିଶ୍ଵ ଜରୁରୀକାଳୀନ ଔଷଧ ଦିବସ ୨୦୨୬ ର ବିଷୟବସ୍ତୁ ରହିଥୁଲା ‘ଜରୁରୀକାଳୀନ ଚିକିତ୍ସକ ଓ କର୍ମଚାରୀଙ୍କ ପାଇଁ ଏକ ସୁରକ୍ଷିତ ବ୍ୟବସ୍ଥା ।’ ଏହି ବିଷୟବସ୍ତୁ କାର୍ଯ୍ୟକ୍ଷେତ୍ରରେ ହିଂସା, ଭିଡ଼, ଜରୁରୀ ବିଭାଗରେ ଆତଙ୍କ, କର୍ମଚାରୀ ଅଭାବ, ମାନସିକ ଚାପ ଏବଂ ଜରୁରୀକାଳୀନ ଯତ୍ନ ନେଉଥିବା କର୍ମଚାରୀ ସମ୍ମୁଖୀନ ହେଉଥିବା ବୃତିଗତ ବିପଦ ସଂପର୍କରେ ବଢ଼ୁଥିବା ଚିନ୍ତା ପ୍ରତି ଧ୍ୟାନ ଆକଷର୍ଣ କରେ । ଏହି ବିଷୟବସ୍ତୁକୁ ଭିତି କରି ଆଇଏସ୍ଏସ୍ ଆଣ୍ଡ ସମ୍ ହସ୍ପିଟାଲ ଓ ୟୁରୋପିଆନ୍ ସୋସାଇଟି ଫର୍ ଏମରଜେନ୍ସି ମେଡିସିନ୍ ଆଣ୍ଡ ଶ୍ରୀଲଙ୍କା କଲେଜ୍ ଅଫ୍ ଏମରଜେନ୍ସି ଫିଜିସିଆନ୍ସର ମିଳିତ ଆନୁକୂଲ୍ୟରେ ଏହି କାର୍ଯ୍ୟକ୍ରମର ଆୟୋଜନ କରାଯାଇଥିଲା ।

ଆଇଏସ୍ଏସ୍ ଆଣ୍ଡ ସମ୍ ହସ୍ପିଟାଲର ଜରୁରୀକାଳୀନ ଔଷଧ ବିଭାଗ ପୂର୍ବ ଭାରତରେ ଜରୁରୀକାଳୀନ ଯତ୍ନ ପାଇଁ ଏକ ପ୍ରମୁଖ କେନ୍ଦ୍ର । ଏକ ଉନ୍ନତ ସେବା ଦେଉଥିବା ଶିକ୍ଷାଗତ ପ୍ରତିଷ୍ଠାନ ଭାବରେ ବିଭାଗଟି ବ୍ୟାପକ, ୨୪- ଘଂଟିଆ ଜରୁରୀକାଳୀନ ସେବା ପ୍ରଦାନ କରେ ଏବଂ ବିଭିନ୍ନ ପ୍ରକାରର ଚିକିତ୍ସା ପରିସ୍ଥିତି ସହିତ ଉପସ୍ଥିତ ରୋଗୀଙ୍କ ପାଇଁ ପ୍ରଥମ ଯୋଗାଯୋଗ କେନ୍ଦ୍ର ଭାବରେ କାର୍ଯ୍ୟ କରେ । ବିଭାଗଟି ମେଡ଼ିସିନ ଚିକିତ୍ସା, ଶଲ୍ୟଚିକିତ୍ସା, ଆଘାତ, ଶିଶୁ, ପ୍ରସୂତି, ହୃଦ, ସ୍ନାୟୁ ଏବଂ ଗୁରୁତର କ୍ରିଟିକାଲ ସେବା ସମେତ ବିଭିନ୍ନ ଜରୁରୀକାଳୀନ ଚିକିତ୍ସା ପରିଚାଳନା କରିଥାଏ ଯାହା ଦ୍ରୁତ ମୂଲ୍ୟାଙ୍କନ, ସ୍ଥିରୀକରଣ ଏବଂ ନିର୍ଣ୍ଣାୟକ ପରିଚାଳନା ସୁନିଶ୍ଚିତ କରେ ।

ଆଧୁନିକ ଭିତିଭୂମି, ଭନ୍ନତ ମନିଟରିଂ ସିଷ୍ଟମ, ପଏଂଟ୍-ଅଫ୍-କେୟାର ଡାଇଗୋଷ୍ଟିକ୍ସ, ଜରୁରୀକାଳୀନ ଅଲ୍‌ଟ୍ରାସାଉଣ୍ଡ ସୁବିଧା ଏବଂ ଏକ ଉଚ୍ଚ ଦକ୍ଷ ବହୁବିଧ ଦଳ ସହିତ ସଜ୍ଜିତ ବିଭାଗ ସମୟୋଚିତ, ପ୍ରମାଣ-ଭିତିକ ଏବଂ ରୋଗୀ-କୈନ୍ଦ୍ରିକ ଚିକିତ୍ସା ପ୍ରଦାନ କରିବାକୁ ପ୍ରତିବଦ୍ଧ । ବିଭିନ୍ନ ବିଶେଷଜ୍ଞ ଏବଂ ସୁପର ସ୍ପେଶାଲିଟି ବିଭାଗ ସହିତ ଘନିଷ୍ଠ ସହ‌ଯୋଗରେ କାର୍ଯ୍ୟ କରି ଏହି ବିଭାଗ କ୍ଲିନିକାଲ୍ ଉଚ୍ଚଷର୍ତା ଏବଂ ରୋଗୀ ସୁରକ୍ଷାର ସର୍ବୋଚ୍ଚ ମାନଦଣ୍ଡକୁ ବଜାୟ ରଖି ଗୁରୁତର ଅସୁସ୍ଥ ଏବଂ ଆହତ ରୋଗୀଙ୍କ ଚିକିତ୍ସା ପାଇଁ ଏକ ଗୁରୁତ୍ଵପୂର୍ଣ ଭୂମିକା ଗ୍ରହଣ କରିଥାଏ ।

କ୍ଲିନିକାଲ୍ ଦାୟିତ୍ଵ ବ୍ୟତୀତ ଏହି ବିଭାଗ ଶିକ୍ଷାଗତ କାର୍ଯ୍ୟକଳାପ ଏବଂ ଦକ୍ଷତା ବିକାଶରେ ଗଭୀର ଭାବେ ନିୟୋଜିତ । ଏହା ସଂରଚିତ ଶିକ୍ଷାଦାନ କାର୍ଯ୍ୟକ୍ରମ, ଶଯ୍ୟାପାର୍ଶ୍ବ ତାଲିମ, ସିମୁଲେସନ୍-ଆଧାରିତ ଶିକ୍ଷା ଏବଂ ନିରନ୍ତର ଡାକ୍ତରୀ ଶିକ୍ଷା ପଦକ୍ଷେପ ମାଧ୍ୟମରେ ସ୍ନାତକ ଏବଂ ସ୍ନାତକୋତର ଡାଇରୀ ଶିକ୍ଷାକୁ ସକ୍ରିୟ ଭାବରେ ପ୍ରୋତ୍ସାହିତ କରେ । ବିଭାଗ ନିୟମିତ ଭାବରେ ସ୍ବାସ୍ଥ୍ୟସେବା ଏବଂ ଛାତ୍ରଛାତ୍ରୀଙ୍କ ପାଇଁ ଜରୁରୀକାଳୀନ ପ୍ରକ୍ରିୟା ଉପରେ କର୍ମଶାଳା ମଧ୍ୟ ଆୟୋଜନ କରେ ।

କାର୍ଯ୍ୟକ୍ରମରେ ସୋଆର ପ୍ରମୁଖ ଉପଦେଷ୍ଟା (ସାସ୍ଥ୍ୟବିଜ୍ଞାନ) ପ୍ରଫେସର (ଡାକ୍ତର) ଅଶୋକ ମହାପାତ୍ର, ଆଇଏସ୍ଏସ୍ ଆଣ୍ଡ ସମ୍ ହସ୍ପିଟାଲର ଡିନ୍ ପ୍ରଫେସର (ଡାଇର) ସଙ୍ଘମିତ୍ରା ମିଶ୍ର, ମେଡିକାଲ୍ ଅଧୀକ୍ଷକ ପ୍ରଫେସର (ଡାକ୍ତର) ପୁଷ୍କରାଜ ସାମନ୍ତସିଂହାର ଓ ବିଭାଗୀୟ ମୁଖ୍ୟ ପ୍ରଫେସର ଶୁକଦେବ ନାୟକ ଉଦ୍‌ଘାଟନୀ କାର୍ଯ୍ୟକ୍ରମରେ ଯୋଗଦେଇ ଜରୁରୀକାଳୀନ ସେବା ଓ ଔଷଧର ଗୁରୁତ୍ବ ସଂପର୍କରେ ବକ୍ତବ୍ୟ ରଖୁଥିଲେ ।

ଏହି ଅବସରରେ ଶ୍ରୀଲଙ୍କା କଲେଜ ଅଫ୍ ଏମର୍ଜେନ୍ତି ଫିକିସିଆନ୍ତି ଏବଂ ୟୁରୋପିଆନ୍ ସୋସାଇଟି ଅଫ୍ ଏମର୍ଜେନ୍ସି ମେଡିସିନ୍ ସହ‌ଯୋଗରେ ଏକ ଆନ୍ତର୍ଜାତିକ ହାଇବ୍ରିଡ୍ ୱେବିନାର ମଧ୍ୟ ଆୟୋଜିତ ହୋଇଥିଲା । ଶ୍ରୀଲଙ୍କା ଜରୁରୀ କାଳୀନ ଡାକ୍ତର ସଂଘର ଅଧ୍ୟକ୍ଷ ଏବଂ ପୂର୍ବତନ ଅଧ୍ୟକ୍ଷ ଡକ୍ଟର ଇନୁକା ଏବଂ ଡକ୍ଟର ବନ୍ଦାରା ଆଭାସୀ ବ୍ୟକ୍ତବ୍ୟ ରଖିଥିଲେ । ସେହିପରି ୟୁରୋପୀୟ ଜରୁରୀ କାଳୀନ ଡାଇର ସମାଜର ସଭାପତି ଡକ୍ଟର ଜିମ୍ ଏବଂ କମିଟି ସଦସ୍ୟ ଡକ୍ତର ସୁଲେୟା ଓ ଲଣ୍ଡନର ଡକ୍ଟର ସୁମା ଅହମେଦ ଅନ୍‌ଲାଇନ୍‌ରେ ଯୋଡି ହୋଇଥିଲେ ।

ସେହିପରି ଏମ୍ଭ ଦିଲ୍ଲୀର ପ୍ରଫେସର ଡାକ୍ତର ରାକେଶ ଗର୍ଗ, ଡାକ୍ତର ଭାରତ ଗୋପୀନାଥ ଓ ଡାକ୍ତର ହାନା ଚାୱାଙ୍ଗଙ୍କ ମଧ୍ୟ ବକ୍ତବ୍ୟ ରଖୁଥିଲେ । ଅନ୍ୟମାନଙ୍କ ମଧ୍ୟରେ ନିହାନ୍ତି ବାଙ୍ଗାଲୋରର ଅବସରପ୍ରାପ୍ତ ମୁଖ୍ୟ ପ୍ରଫେସର ସନ୍ତୋଷ ଚତୁବେଦୀ, ଏମ୍ସ ନାଗପୁରର ଶ୍ରୀ ରାକେଶ, ସିଏମ୍‌ସି ଭେଲୋରର ଡାକ୍ତର ଜ୍ୟୋତି ସ୍ୱରୂପ ମଧ୍ୟ ଅନ୍‌ଲାଇନ୍ ମାଧ୍ୟମରେ ନିଜର ବକ୍ତବ୍ୟ ରଖିଥିଲେ । ଓଡ଼ିଶାରୁ ଏମ୍. ଭୁବନେଶ୍ଵରର ଡାକ୍ତର ଚିନ୍ଵୟ ଦାସ ଓ ଡାକ୍ତର ଅଜୁତେଶ ସାହୁ, ଜନସ୍ବାସ୍ଥ୍ୟ ବିଭାଗର ଅବସରପ୍ରାପ୍ତ ନିର୍ଦ୍ଦେଶକ, ଡାକ୍ତର ନିରଞ୍ଜନ ମିଶ୍ର, ସମ ହସ୍ପିଟାଲର ପ୍ରଫେସର ସୁକଦେବ ନାୟକ ଏବଂ ପିଜି ଇନଷ୍ଟିଚ୍ୟୁଟ୍ ଭୁବନେଶ୍ଵରର ପ୍ରଫେସର ନିବେଦିତା ପାଣି ଯୋଗ ଦେଇ ଜରୁରୀକାଳୀନ ଔଷଧର ଉପାଦେୟତା ସଂପର୍କରେ ଗୁରୁତ୍ବରୋପ କରିଥିଲେ ।

ଏହି କାର୍ଯ୍ୟକ୍ରମକୁ ଡାକ୍ତର ତପନ ରାୟ, ଡାଲର ଗୋଲକ ପ୍ରସାଦ ପାତ୍ର, ଡାକ୍ତର ବୋଡେଲା ସୃତି, ଡାକ୍ତର ଅଭିପସା ବର୍ମା, ଡାକ୍ତର ଶାଶ୍ଵତା ପଟ୍ଟନାୟକ ଓ ଡାକ୍ତର ଅମଲ ରାଜ ପରିଚାଳନା କରିଥିଲେ । ଡାକ୍ତର ଆନନ୍ଦ କୁମାର ଦାସ ଧନ୍ୟବାଦ ଅର୍ପଣ କରିଥିଲେ ।