*ଏଆଇସି-ସୋଆ ଫାଉଣ୍ଡେସନ୍ ଉଦ୍ଘାଟିତ
ଭୁବନେଶ୍ୱର, ମାର୍ଚ୍ଚ ୧୯ [ଆ.ଦୁ.ନି] : ଶିକ୍ଷା ଓ ଅନୁସନ୍ଧାନ (ସୋଆ) ପରିଚାଳିତ ଇନ୍ଷ୍ଟିଚ୍ୟୁଟ୍ ଅଫ୍ ଟେକ୍ନିକାଲ୍ ଏଜୁକେସନ ଆଣ୍ଡ ରିସର୍ଚ୍ଚ (ଆଇଟିଇଆର) ପରିସରରେ ଛାତ୍ରଛାତ୍ରୀମାନଙ୍କୁ ଷ୍ଟାର୍ଟଅପ୍ ଆରମ୍ଭ କରିବା ନିମନ୍ତେ ଉତ୍ସାହିତ କରିବାକୁ ଗୁରୁବାର ଅଟଳ ଇନୋଭେସନ୍ ସଂଟର-ସୋଆ ଫାଉଣ୍ଡେସନ୍ ଉଦ୍ଘାଟିତ ହୋଇଯାଇଛି ।
ଓଡ଼ିଶା ସରକାରଙ୍କ ମତ୍ସ୍ୟ ଓ ପ୍ରାଣୀସମ୍ପଦ ତଥା ଏସ୍ଏସଏମ୍ଇ ବିଭାଗ ମନ୍ତ୍ରୀ ଶ୍ରୀ ଗୋକୁଳାନନ୍ଦ ମଲ୍ଲିକ ଏହି କେନ୍ଦ୍ରକୁ ଉଦ୍ଘାଟିତ କରିଥିଲେ । ନିତି ଆୟୋଗ ପରିଚାଳିତ ଅଟଳ ଇନୋଭେସନ ମିସନ୍ ସହାୟତାରେ ଏହି କେନ୍ଦ୍ରକୁ ସ୍ଥାପନ କରାଯାଇଛି ।
ଏହି କେନ୍ଦ୍ର ସ୍ଥାପନ କରିଥିବାରୁ ସୋଆକୁ ଶୁଭେଚ୍ଛା ଜଣାଇ ଶ୍ରୀ ମଲ୍ଲିକ କହିଥିଲେ ଯେ ଓଡ଼ିଶା ସରକାରଙ୍କ ଷ୍ଟାର୍ଟ ଅପ୍ ନୀତି ଛାତ୍ରଛାତ୍ରୀଙ୍କୁ ଷ୍ଟାର୍ଟ ଅପ୍ ନିମନ୍ତେ ଉତ୍ସାହିତ କରିବା ନିମନ୍ତେ ଉଦ୍ଦିଷ୍ଟ । ଛାତ୍ରଛାତ୍ରୀମାନେ ନିଜର ଦକ୍ଷତା ବୃଦ୍ଧି କରିବା ବର୍ତମାନ ଅପରିହାର୍ଯ୍ୟ ହୋଇ ପଡ଼ିଥିବା ବେଳେ ଅର୍ଥନୀତିର ଅଭିବୃଦ୍ଧି ନିମନ୍ତେ ଷ୍ଟାର୍ଟ ଅପ୍ ଗୁଡ଼ିକର ଆବଶ୍ୟକତା ରହିଛି ବୋଲି ସେ କହିଥିଲେ ।
ଏଆଇସି-ସୋଆ ଫାଉଣ୍ଡେସନ୍ ଛାତ୍ରଛାତ୍ରୀମାନଙ୍କର ସୃଜନଶୀଳ ବିଚାରକୁ ସ୍ଥାୟୀ ବ୍ୟବସାୟିକ ଉଦ୍ୟମରେ ପରିଣତ କରିବା ନିମନ୍ତେ ସମସ୍ତ ପ୍ରକାର ସହାୟତା ଯୋଗାଇ ଦେବ ।
ଏହି କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବେ ଯୋଗ ଦେଇ ଅଟଳ ଇନୋଭେସନ୍ ମିସନ୍ର ମିସନ ନିର୍ଦ୍ଦେଶକ ଡକ୍ଟର ଦୀପକ ବାଗଲା କହିଥିଲେ ଯେ ଆଗାମୀ ଦିନରେ ପ୍ରତି ୧୦ ଜଣ ଛାତ୍ରଛାତ୍ରୀଙ୍କ ମଧ୍ୟରୁ ୬ ଜଣ ନିଜସ୍ବ ଉଦ୍ୟମରେ ଷ୍ଟାର୍ଟ ଅପ୍ ଆରମ୍ଭକରିବେ ।
ବର୍ତମାନର ଛାତ୍ରଛାତ୍ରୀ ମାନଙ୍କୁ ଏକ ବିଶେଷ ସୁଯୋଗ ଲାଭ ନିମନ୍ତେ ପ୍ରସ୍ତୁତ ପିଢ଼ି ବୋଲି ଉଲ୍ଲେଖ କରି ସେ କହିଥିଲେ ଯେ ଏକ ନୂତନ ଭାରତକୁ ଗଢ଼ି ତୋଳିବା ନିମନ୍ତେ ସେମାନେ ନିଜ କାନ୍ଧରେ ଦାୟିତ୍ଵ ନେବା ଆବଶ୍ୟକ ।
ଡକ୍ଟର ବାଗଲା କହିଥିଲେ ଯେ ଜାନୁଆରୀ ୨୦୧୬ରେ ଭାରତରେ ମାତ୍ର ୪୦୦ ଷ୍ଟାର୍ଟ ଅପ୍ ଥିବା ବେଳେ ବର୍ତମାନ ଏହି ସଂଖ୍ୟା ୨୦୦,୦୦୦ ଅତିକ୍ରମ କରିସାରିଛି । ଆଜି ଭାରତ ବିଶ୍ଵରେ ନୂତନ ଷ୍ଟାର୍ଟ ଅପ୍ କ୍ଷେତ୍ରରେ ୧ ନମ୍ବରରେ ଥିବା ବେଳେ ଷ୍ଟାର୍ଟ ଅପ୍ କ୍ଷେତ୍ରରେ ୨ୟ ଓ ୟୁନିକର୍ଣ କ୍ଷେତ୍ରରେ ୩ୟ ସ୍ଥାନରେ ରହିଛି ବୋଲି ସେ କହିଥିଲେ ।
ଅଟଳ ଇନୋଭେସନ୍ ମିସନକୁ ପୃଥିବୀର ସର୍ବବୃହତ ଗ୍ରାସରୁଟ ଇନୋଭେସନ୍ ମିସନ୍ ଭାବେ ବର୍ଣନା କରି ସେ କହିଥିଲେ ଯେ ସୋଆ ବିଶ୍ବବିଦ୍ୟାଳୟ ସହିତ ସହଭାଗୀ ହୋଇ ଏହି କେନ୍ଦ୍ର ସ୍ଥାପନ କରିବା ଏକ ସୁଖଦ ଅନୁଭୂତି ।
ଏହି କାର୍ଯ୍ୟକ୍ରମରେ ସୋଆ କୁଳପତି ପ୍ରଫେସର ପ୍ରଦୀପ୍ତ କୁମାର ନନ୍ଦ, ସୋଆର ଉପକୂଳପତି ପ୍ରଫେସର ପ୍ରଶାନ୍ତ କୁମାର ପାତ୍ର, ଷ୍ଟାର୍ଟଅପ୍ ଓଡ଼ିଶାର ସିଇଓ ଶ୍ରୀ ସ୍ମୃତି ରଞ୍ଜନ ପ୍ରଧାନ,ଓ ସୋଆ ସଂଟର ଫର କାଂଟମ୍ ସାଇନ୍ତି ଆଣ୍ଡ ଟେକ୍ନୋଲଜିର ନିର୍ଦ୍ଦେଶକ ପ୍ରଫେସର ପ୍ରଶାନ୍ତ କୁମାର ପାଣିଗ୍ରାହୀ ବକ୍ତବ୍ୟ ରଖିଥିଲେ । ଏହି ଅବସରରେ ଉପକୁଳପତି ପ୍ରଫେସର ନୀଡା ମହାନ୍ତି, କଂଟ୍ରୋଲର ଅଫ୍ ଏଗ୍ଜାମିନେସନ୍ ପ୍ରଫେସର ମଞ୍ଜୁଳା ଦାସ, ଏଆଇସି-ସୋଆ ଫାଉଣ୍ଡେସନ୍ର ନିର୍ଦ୍ଦେଶକ ପ୍ରଫେସର ମାନସ କୁମାର ମଲ୍ଲିକ, ସୋଆ ଆନ୍ତର୍ଜାତିକ ଉପଦେଷ୍ଟା ମଣ୍ଡଳୀ ଅଧ୍ୟକ୍ଷ ପ୍ରଫେସର ଦାମୋଦର ଆଚାର୍ଯ୍ୟ, ପ୍ରଫେସର ଅନୁପ କୁମାର ସାମନ୍ତରାୟ ଏବଂ” ସଂଟର ଫର୍ କ୍ଲାଇମେଟ ସ୍ମାର୍ଟ ଏଗ୍ରିକଲ୍ଚର (ସିସିଏସ୍ଏ)ର ଡିଷ୍ଟିଙ୍ଗ୍ଇସଡ୍ ପ୍ରଫେସର ୟୁ.ସି ମହାନ୍ତି ପ୍ରମୁଖ ଉପସ୍ଥିତ ଥିଲେ ।
ଆଇଟିଇଆରର ଆଡିସ୍ନାଲ୍ ତିନ୍ (ଷ୍ଟୁତୋଟ ଆଫେୟାର୍ସ) ପ୍ରଫେସର ରେଣୁ ଶର୍ମା ସାଗତ ଭାଷଣ ଦେଇଥିବା ବେଳେ ଏଆଇସି-ସୋଆ ଫାଉଣ୍ଡେସନ୍ର ସିଇଓ ଶ୍ରୀମତି ଲୋପା ମିଶ୍ର ଜାନା ଧନ୍ୟବାଦ ଅର୍ପଣ କରିଥିଲେ ।
About the Author
